Fundamentado nun sólido marco conceptual e metodolóxico que cuestiona tópicos e doutrinarismos, este libro fai un percorrido no que repasa o papel e a situación da lingua galega en cada periodo da Historia. O autor achéganos unha visión novidosa e enriquecedora do noso pasado desde a óptica da Sociolingüística.

O libro é o resultado das achegas de tres estudosos que, desde as ópticas máis acordes coas súas traxectorias de traballo, se aproximan ao mundo da poesía galega da Idade Media. Henrique Monteagudo asina un estudo de carácter introdutorio sobre o marco histórico e literario no que se desenvolve a lírica trobadoresca. Luz Pozo Garza leva a cabo unha detallada análise das cantigas e Xesús Alonso Montero explora a historia bibliográfica e crítica da poesía galego-portuguesa, dende a súa descuberta e primeiras edicións ata a súa presenza constante no devir da lírica galaga do século XX.